1990年港姐合体！袁咏仪、梁小冰纷纷晒合照！陈年旧照首次曝光！

边个话娱乐圈难识到真心朋友？艺人袁咏仪（靓靓）、翁杏兰（Helen）同姚康莉（Connie）就friend足27年！

1990年他们三个一齐参加香港小姐竞选，最后靓靓夺得冠军同最上镜小姐，亚军系翁杏兰，而姚康莉就系五强佳丽，之后三人各有发展，翁杏兰同姚康莉近年直头鲜有公开露面，对上一次三人合体公开亮相已经系两年前嘅电影首映礼！

当年三甲，冠军系袁咏仪（中），亚军系翁杏兰（左），季军系梁小冰。

今日靓靓喺社交网就上载三人聚会嘅合照，留言话：“我们生活在不同的地方，不是常常见面，但她俩永远都在关心我、保护我，感恩！27年了！我的好友Connie & Helen”

足见他们感情深厚，唔系成日见都无损感情，睇相见佢三个仲系素颜上阵，外形依然keep得好好，果然系美貌与智慧并重嘅香港小姐！

翁杏兰系1990年港姐亚军

而梁小冰也喺微博上载同Helen以及Connie嘅合照，仲大晒旧相，等大家可以回味一下！唔少网友都大赞佢哋保养得宜，小冰都笑言大家由昔日嘅少女变成依家嘅美艳少妇：“今晩好开心好开心好开心，同届港姐亚军翁杏兰由美国回港相约我同姚康莉食饭，大家相识二十七年，由十九、二十岁少女变成依家美艳少妇，话题滔滔不绝，大家讲到鸡啄唔断。大家还记得翁杏兰的招牌笑容和可爱的兔仔牙吗？珍贵独家照片第一次发放。”