483      人物

紅館騷加開一場！“不老女神”周慧敏搵基仔做總監

「不老女神」周慧敏（Vivian）將於明年1月26至27日假紅館舉行《一萬天荒愛未老．周慧敏30周年演唱會》，在個唱記招上，她與主辦單位英皇娛樂的高層宣布因優先訂票反應熱烈，將加開1月28日一場，門票明日公開發售。

Vivian透露這次請得好友古巨基（基仔）擔任個唱總監，是靠古太幫忙成事：「總監咩都要睇曬，歌曲、衫、舞台效果都要監督，好大責任，我出動我經理人古太幫手先可以成事，但我唔知佢哋點傾。」

又指找基仔因他很有創意、要求高，而且了解她：「如果過到佢個關我就好定心，質素會有保證。」

提到她的合唱歌眾多，屆時可會演唱她與王馨平及湯寶如合唱的經典兒歌《美少女戰士》？她就大爆其實早已於6月邀請兩位好友做嘉賓，將這首歌再重現：「佢哋好爽快答應，呢個係經典嘢，我希望花啲花思，諗啲特別嘅形式去將經典再現。（著番嗰條裙？）大家唔使諗，過咗去㗎喇，要進階版，我想型啲cool啲，啲衫要等基仔同陳華國去諗嚇喇。」

之後她就獲英皇娛樂集團行政總裁許佩斯送上一朵永恒不變的玫瑰花，祝她永遠美麗。

期待女神的演唱會！

點擊播放 GIF/21K

最後更新：2017-10-08 12:29:37

  上一篇： 馬化騰竟現身合肥公交車，親自體驗騰訊乘車碼支付

  下一篇： 乘車碼：馬化騰親自敲定的下一個“高頻高粘性”移動支付場景