1990年港姐合體！袁詠儀、梁小冰紛紛曬合照！陳年舊照首次曝光！

邊個話娛樂圈難識到真心朋友？藝人袁詠儀（靚靚）、翁杏蘭（Helen）同姚康莉（Connie）就friend足27年！

1990年他們三個一齊參加香港小姐競選，最後靚靚奪得冠軍同最上鏡小姐，亞軍係翁杏蘭，而姚康莉就係五強佳麗，之後三人各有發展，翁杏蘭同姚康莉近年直頭鮮有公開露麵，對上一次三人合體公開亮相已經係兩年前嘅電影首映禮！

當年三甲，冠軍係袁詠儀（中），亞軍係翁杏蘭（左），季軍係梁小冰。

今日靚靚喺社交網就上載三人聚會嘅合照，留言話：“我們生活在不同的地方，不是常常見麵，但她倆永遠都在關心我、保護我，感恩！27年了！我的好友Connie & Helen”

足見他們感情深厚，唔係成日見都無損感情，睇相見佢三個仲係素顏上陣，外形依然keep得好好，果然係美貌與智慧並重嘅香港小姐！

翁杏蘭係1990年港姐亞軍

而梁小冰也喺微博上載同Helen以及Connie嘅合照，仲大曬舊相，等大家可以回味一下！唔少網友都大讚佢哋保養得宜，小冰都笑言大家由昔日嘅少女變成依家嘅美豔少婦：“今晩好開心好開心好開心，同屆港姐亞軍翁杏蘭由美國回港相約我同姚康莉食飯，大家相識二十七年，由十九、二十歲少女變成依家美豔少婦，話題滔滔不絕，大家講到雞啄唔斷。大家還記得翁杏蘭的招牌笑容和可愛的兔仔牙嗎？珍貴獨家照片第一次發放。”